Mar waraysi laga qaaday Fananada Nimco Dareen sanadii 2010 ay ku sheegatay heesta Booli ay leedahay ayada,uuna u sameyay abwaan Soomaaliya joogo oo lagu magacabo Abdulaahi lakiin waxaa arintaan beenisay dhawaan Fananada Marwo Abdi.

Fananada Wayn Marwo Abdi,ayaa ku adeeysay dhigeeda Nimco Dareen in heesta iyo miraheeda ay ku tumatay si xuna ay u qaday.

Marwo Abdi,ayaa hadalkeeda ku sii dartay in heestaan Booli la samayay 1983 erayada heestana uu samayay Abwaanka Xasan Xaaji Abdulaahi halka uu laxankane uu ku laray Fanankii weyna Ahmed Gacayte.

Fanaanada Nimco Dareen ayaa ilaa iyo iminka wax war ah ka soo bixin dhankeeda oo ay uga jawabayso arintaan lagu eedayay ee ah been abuuris ay ku samaysay xaga fanka.

Maahan wax Ku cusub Fanka Soomaalida in Fanaan uu xatooyo ku sameeyo hees balsa dadka ku xeel dheer Fanka ayaa arintaan ku tilmamay in ay qalad tahay in uu fanaan inta hees xado hadane uu sheegto in isaga loo sameyay heesta.

Halkaan Ka Daawo Dooda Heestaan.

Magacaygu waa mohamed ahmed daahirwaxan salaamayaa dhamaan umada reer somaliland ,maanta waxaan jeclaaday inaan ka qaybqaato silsilad suugaaneedka gunaad ee ka bilaabatay maansadii abwaan xasan daahir ismail (weedhsame) waxanan kaga qayb qaadanayaa maansadan yar ee gaaban ee aan u bixiyay “garnayl” waana tan maansadii:

Gufaacada roobka  

Cirkoo gabadhleeyay

Guluuluc xareeda

Gankayga haraaday

Garaad li’idayda

Markaan guban aaday

Hubsiimo gunteeda

Mabaan goblameene

Inaan dib u guuro

Wakhtaa ku gadaaman

 

Gabaaragurdaynta

Gurguuradka laylka

Intaan u gudaayay

Guureeyay habeeno

Intaan giriyaadka

U maaxay gawaanka

Intaan jirid guuna

Anoo gaylamaaya

Habeen gudcur jiidhay

Go’odoonkiyo maaga

Guhaadiyo ciilka

Waxaan galay raadco

Dhirtaa gudilayde

Dhurwaa ma garaabin

 

Waxaan galbis hooyay

Waxaan sacab gooyay

Ratiyo goolal loogay

Waxaan gini qaybshay

Aduun ku galaalay

Ninkaan u gargaaray

Ma buu noqon geesi

Gadaan ka filaayay

Goodbaan se xamaalay

Kashayda gunaadka

Ku gaamuray maalay

 

Markaan halaq gooyo

Goshayda abeesyo

Waqaan ku guraaye

Karaahida gaaxsan

Ayaa guntigayga

Ku giijay habaarka

 

Hankaygan gudbaaya

Hiyiga gondahayga

Hadhkooda ku gaadhan

Hilaadada guudka

La aaday galaydhka

Misana diin gurguurta

Gadaasha ka joogta

Cadaalada gaadhay

Dhamaan gayigeena

Ninkii gini haysta

Gunaysa ayaamo

Fiqiirkana goysa

Galeefta ku hoysa

Gubaysa saboolka

Gadaanada liicay

Waxaa gumac yeedhay

Garnaylo dhacaaya

Haweenka gadooday

Dhamaan goblan jooga

Waxaa gobolsheegtay

Awoodo u gaara

Hilbaha is gumaaday

Asaydiyo gooha

Sadaasha gabnawday

Hayaanka gabloolay

Waxaa gurac muuqda

Ninkay gubasee le

Ugaaska gamaaray

Ka toosi garoonka

Haduu gacaltooyo

Gunaadka u sheegey

Garwaaqsi la’aanta

Sheekooyinka guunka

Goonbaar lagu sheegey

Intoo saaftin geela

Golaha loogu tuuray

Ayay gaf dareentay

Wixii galadaaba

Iyada guntin weeyi

Cadhaana ku gaaxsan

Dudmaanay gudoontay

Markii loo garsheegey

Inay galad haydna

Intay gungunuustay

Ayay tidhi goolka

Maxaa caro geeyay

Garwaaqsay dadkiina

Inaan gabadhooda

Garaadba ku duulin

Alaylehe waa ged

Ninkaad u gargaartay

Godkaa kama guurin

 

Garsheega ninkaa le

Ninkaa guul wadeeyay

Goorbaasle abraaray

Wuxuu gaday waa hub

Amaanada guudka

Gudoonka rabaa le

Gaaxdeeda dadkaa le

Waxseen ugu gaabshay

Giraanta taariikhda

Guunkeena dhigmaaya

Wuxuu gali maanta

Inuu godob qaatay

Calooshu u gaysay

 

Giraanta taariikhda

Guunkeena dhigmaaya

Wuxuu gali maanta

Inuu murti gaaxsan

Habeen dharag siistay

 

Markii galsho dhiiga

Ganaanka saboolka

Goobyaalka qabiilka

Gardaadiska iilka

Dalkii la gumeeyay

Inuu gaws u iishay

Dhulkoo gubanaaya

Geeliisa ka raacay

 

Haduu garta eexdo

Gudoonka la liico

Haday gacantiisu

Intay gudho maato

Ka gayso aduunka

Garaado horaale

Gudoonka ka qaada

 

Kacaankan gumeeyay

Bulshada ku gabraarta

Dalkii guud ahaanba

Geesaaska ku beeray

Intuu gubay daaray

Dhawaaqa guluuluc

Ku beeray garaadka

Markuu galaw yeedhay

Fiintiina gadooday

Ayuu gaala jooga

Gardaadiya hooga

Ciduu golihiisa

Gudoonshaha maantu

U soo xulay gaadhka

Dadkii gayigeena

Ku gaamuray maaha

Galbeediyo meesha

Gurboodku u yaalo

Haday hiyi gaadhay

Fandhaal kuma guulin

Hilaad kama gaysan

Caydh buu ku ahaa gun

Ku gooman agtooda

Waxaabay guneeya

Kuwii gabay diinta

Waxaa laga guurshay

Kitaabkiyo guule

Intuu giblo dheeluu

Dadkii ku gubaabshay

Inay guuli joogto

 

Markuu gumacyeedho

Boliisku gumaado

Fiqiirka ku giirto

Gudoonshaha faanka

Gadaala istaagay

Dadkaanu garaacnay

Caqlaa ku gadaamay

Go’odoonka ka hooyay

 

Gabyaaga isjiidhay

Kamaan didin gooha

Googaalaha jooga

Dadkaa kala gaara

Garaadka fogbaana

Dhaliisha gudooma

Hiraan laba gaadhin

Ninkii ka gubtaale

Wakhtaase u gaara

Gawsho la siiyo

Xajiinta la gaystay

Dib looga garaabo

Ninkaandaaqsin geela

Arkayn kuma guulin

Ninkii gaday baase

Abwaano gumeeyay

Hawraarna garoocday

Suugaantu guhaadna

Gashaabay ku leeday

 

by mohamed ahmed daahir

mayay4411@hotmail.com

hargeisa ,somaliland

 

 

 

 

 

 

halkan ka akhris tixii hore ee

• Gunaad
• Garsheeg
• Guul-Wade
• Galow
• Garwaaqso
• Garsoor
• Gobdeeq
• Abaal-ka dhac
• Gardarro
• Gubaabo
• Garasho
• Garnayl

ga,da xarafkaraadkii gunaad,guuxa iyo reenka
garashada aqoontiyo intaan,oday kasoo gaaray
gabay inan ku biirshaan rabaa,garashadaydiiye
inta uu garaad furan nasiib,guule ugu deeqay
dhalintaan u guuxee hortay,gogosha noo xaadhay
mid anoon gujaynayn midkood,garabka saaraynin
garawshiyo salaan gaara iyo,waliba guubaabo
garab kooga inan taaganahay,bal iga gaadhsiiya

afartaa hadaan garashaday,arar ku gawsiiyay
afarkale intaan gaar u xulo,golaha aan keeno

gayigaan ku noolahay ee,guule nagu beeray
gumaysiga hortii iyo intuu,haystay gayigeena
gobanimada goortaan heliyo,gugani aan joogno
waxa loo gurxamayee intaa,gama a loo diiday
waa guri barwaaqiyo inaan,nolol ku gaarnaaye
waxse aanan garanayn tolow,gooha iga keenay
gugii waliba inan taaganahay,goob cidliyo dhiilo
ubad kuba garaadsami halkuu,alam kasoo gaaro
dib inuu u garabjoogsadaa,garashadaw diida
inaguna gadaanahay tolow,guurti iyo beegti
geedkaan shalay eednay baan,maanta gogolaaye
goodkii sumaysnaamarkuu,gam inaga siiyo
magarbaa inaan goohno oon,galindhexaad oyno

afartaa ku guud maray tilmaan,meesha gubanaysa
afarkalana gudban aan ku xidho,gun iyo baarkeeda

jeeruu aqoon,garaad iyo,gado inoo sheegto
nin qabiil ku guulaa magayo,qaran gudoonkiise
gab gabtiyo mirqaankii daraad,gaadmo iyo baano
adiguna gudoonkii tolnimo,eedku garab joogtay
wuxu garabka kaa taabto oo,balamo kuu gooyo
markii guushii uu helay uu,gaaray hadaf kiisa
haduu jufada gaar ula siroo,adiga kaa guuro
duqa waa gaddiisoo malaha,garasho sii dheere
subadiyo abaalkaad gashee,aad u gogol xaadhay
gurigiisa kuwa jooga baa,gooya taladiiye
galabtii timaadaba haduu,hoos u guranaayo
godob iyo colaad buu wadaa,ina gayaysiine

guulaha ilaahay baryoo,goorwaliba tuuga
geediga midkaaxiga tilow,yaanu ina gaadin
gadh wadeen qabiil iyo kadurug,go e afmiishaarka
garaad badane guulaha ku xiran,danaha guud eega
garbo siman ku doortoo tolow,hela gudoonkeeda

kassim abdibacad
e-mail;kassim.mabdi2012@hotmail.com
halkan ka akhris tixii hore ee

• Gunaad
• Garsheeg
• Guul-Wade
• Galow
• Garwaaqso
• Garsoor
• Gobdeeq
• Abaal-ka dhac
• Gardarro
• Gubaabo
• Garasho

gayigaba dhamaantii
golahaad istaagtaba
gadh cadaadi iyo wiil
garbaa la isla faqayaa
gunaad ay u sabab tahay
gadh wadeenka xaajadu
wuxuu gole ka baanaba
gunta ay ku tolantahay
isla gaadhi waayo
ninba gees u sacab tumay
guul aan laguu furin
gole lagama sheegtee
gudi maad u saartaan

arartaa gadaydiyo
guubaaba culusiyo
garashiyo wax sheegay

hadaan galo u jeedada
gaadhigan shilkii galay
gabi iyo ka dhacay buur
ma gacmaa maqnaayo
geer iyo lugbaan jirin
geediga hortiisaba
geerash maanu soo marin
mise geesibaan wadin
gacma adag ku haynoo
gar gariirku waa baqe
mise godad af weynoo
gaadhigu maraynbaa
goobta looga sii qoday
mise godob horeetoo
uu galay wadaadkani
ayaa goobtan taalay
mise waa gediisee
waligiiba geediga
guul uguma hoyee
waa ged u lahaan jiray
mise waa giriif iyo
guluf iyo colaadiyo
gujo cadho ka keentoo
gardaraba lamuu rogin
geestay ahaataba
waa gef iyo dhagariyo
wixii laga gil gilan jiray

halkan ka akhris tixii hore ee

• Gunaad
• Garsheeg
• Guul-Wade
• Galow
• Garwaaqso
• Garsoor
• Gobdeeq
• Abaal-ka dhac
• Gardarro
• Gubaabo

Abaalkaa ma’gudi karo

Hooyooy!

Waxa-tiriyey:- Abwaan cali dhanaaniye

Heestan kooban oo aad u qiimo  badan waxa tiriyey abwaan cali maxamed ibraahin isaga oo ka waramaya siday ku dhalatay heestani waxa uu yidhi:- waxay taariikhdu ahayd 01/02/2010 habeenkii ay igu dhalatay inaa hees u sameeyo hooyaday oo ah qofka aan dunida ugu jecelahay. waxa aan joogay magaalada hargeysa, hooyadayna waxay joogtay magaalada burco ka dib waxa aan dareemay xiiso badan oo aan hooyaday u xiisay , waxana aan arkay qiimaha hooyadu leedahay iyo sida aan marna looga maarmi Karin inta aad nooshahay. Xaqiiqna hooyadu waa  af-hayaha nolosha dhabta ah , waana qofka keliya ee ku dareemi kara xaalad kasta oo aad ku sugan tahay. intaa waxa ii dheeraa markii aan subax subaxyada kamida hotel maansoor ku arkay hooyo aad ugu faraxsan ilmayar oo ay sida tay , hooyadaasi ilamaha yar oo ay ku sido seledaha lagu ilaaliyo caruurta waxa ay siinaysaa  caano, waana ay la ciyaaraysaa oo ay ka qoslinaysaa ilaa uu ka gamayey, been maahee waxa aan dareemayey farxad iyo kalgacal badan , waxana aad moodaysay inay hooyaday ila ciyaarayso oo aniga oo yar la I kool-koolinayo.

Hooyooy udgooneey

Naxariistii eebee

Ani laygu deeqaay

Aragii naftaydaay

Gadh-hayaa aduunkaay

Aabaha ka rooneey

Hadaan joogo abidkay

Abaalkaa ma’gudi karo

Hooyooy udgooneey

Ubax iyo xareedeey

Doog iyo ugbaadeey

Marka aan ku eegaan

Naxariis ilmeeyaa

Markaan kuu imaadaan

Kal-gacayl la’ ooyaa

Ayaantaan ku waayaan

Irsiqiyo dhadhamadiyo

Noloshaba ilaawaa

Murugaa agtaydiyo

Agahayga taaloo

Farxad waan ilduufaa

Bilo iyo ayaamaad

Igu haysay uurkoo

Aawaday go?odoontee

Umo wixii ku soo maray

Ayaamihii qadhaadhaa

Alluunbaa ogaayoo

Erey laguma koobee

Hooyooy amaantaa

Qalin laguma ururshoo

Axdi waxaan ku marayaa

Ifka intaad ku sugan tahay

Inaan kuu adeegoo

Ku ilaashoo hooyooy

Ilayskii naftaydaay

Furihii aduunkaay

Ilaahay dhibaatiyo

Amakaaga noloshiyo

Aafaadka kuma tuso

Abidkaa ha urugoon

Aduun waa rafaadkaa

Istareex ku nooloow

Ayaantaa qiyaamaha

Inta nebiga raacdee

Jano urisa noqo’oo

Ilaahay ha kula jiro.

Ereyadii abwaan Cali maxamed ibraahin (dhanaaniye) (burco togdheer)

tan iyo intii la doortay xukuumada maanta talada haysa ayaa waxaa isasootaraya dhaliilo farabadan oo hawada isku shareeray
iyo dhibaatooyin hgor leh oo ay gaysato xukuumada talada haysaa waxaa xaqiiqo ah oo aan la hilmaami karin in maalintii lagu wareejiyay xumkuumadan talada wadanku ay ahayd mid dhamaystiran (hubsiimo hal baa lasiistaaye) iyadoon shacbiga reer soomaaliland ayna waxba ku misaalin ayay ayaa tuhuntii hungoobay oo ay ku guuldaraysteen codkoodii balse waxay tabayaan codkoodii iyo tahntidodiiba ‘talo fara ka haadaay mooyi ‘ abwaan kaariyaa lagahayee wuxuun baa sii xumaanaya maalinba maalinta ka danbaysa maantana halkay wax marayaan qofkastaa ka war haya abwaankii soomaaliyeed cabdilaahi suldaan timacade ayaa lagahaya (dugsi male qabyaaladi waxay dumiso mooyaane) maanta waxaa dhacda in ta dalka baabisayba ay tahay qabyaalada waayo hadii aan la arkayn wax yaabaha dhacaya ee ay sobobtay qabyaaladu dalku sidan ma ahaadeen ee qof waliba dhankiisu ka dhisi lahaa lkn ta baaba a kentay waa sobobta hadaba dhibaatooyinkaas oo dhamaystiran waxaa iisoogudbisay maansada abwaan Xasan Daahir Ismaaciil (weedhsame) ee uu ugu magacdaray gunaad taasi oo runta taabanaysa xukuumada iyo dad farbadana kaga qaylisiisay ayaa markaan akhristay anigoon abwaan ahayn aan isku dayay in aan ana wax ku darsan karo.
maansadan ayaa waxaan ugu magacdaray ‘gobaad’ waxay tilmaamaysaa dhibatooyinkuu weedhsame sheegay qaarka mida ;

maansada gahayroow
godkii aan kadayi jiray
galin kuma mashquuline
gaaxdu ha idin deeqdee
gunaad dhalashadeedii
weedhsame gorfeeyaan
ana garab u ahaye
bulshayahay gudoon dhaha

guulaystayaashan
gabalkoodu damayee
garaadkoodu gabayee
shacbigii gumaadee
xaynba dhinac u goostee
dalkii gabagabeeyee
gago dhagari taaliyo
giriyaad kawada dhigay
ruuxii garaad lihi
gam i waa hurdada e
anigana gunaadbaa
gayi kale iigutimidoo
ii gorfaysay xaajada
odaygu uu gaystee
gayigayga taaloo
markii gudo galay
goolaaftan kaygii
talo waxaan ku goostay
in aan wadankaba giriifo
intay guntaasi joogtee
gartayda galooo
maxaa ila gudboon?

gobaadeey hashaydii
markay godlatayee
candhosaabka goysee
farxad aan la gooshee
gorafkii u soo cugay
miyaay gaagixiyeen
misana gawrac mariyeen
talo xume garaadli i
kursigii garaysnaa
markuu guudka uga baxay
waa kaa gumeeyee
bulshadii galaaftee
miyuu garan bakhaykii
garaadkiisu liitee
naxli guudka uga baxay
goblan talo aduunyooy
isagoo gafkaa galay
miyaan guul ka suganaa
gabankaygu taageeriyo
gacan uu u fidinayaa?
halkuu gali qiyaamaha
maatiduu gumaadaa
ka goosan doontee.

geedi weeyi dunidani
waagii guduutiyo
galabtii timaadaba
gurac kama dhamaatee
wuxuun baa isgadinayoo
adoo shalay nin garaadliyo
geesi aad ahaydoo
bulshadu gacan ku siisoo
sacab kuu garaacdaad
maanta gaasiraysaa
hantidooda gubaysaa
abaalakay galeen
intood geesmartaad
markii ay gadoodaan
rasaas aad ku gudaysa
xabsi aad ku guraysaa
nabsigii la gaaxshaa
goor danbeetiyo
gadaal buu yimaadaa
runta lagama gaabshee
abwaankii gargaaree
gartooda sheegana
salaan gaaraan udirayaa
gaar ahaan weedhsamiyo
guul wade bardaale…

Xaamud Xuseen Ducaale(miliqsade)
tog-Wajaale/somaliland
wajaalecity@hotmail.com

halkan ka akhris tixii hore ee

• Gunaad
• Garsheeg
• Guul-Wade
• Galow
• Garwaaqso
• Garsoor
• Gobdeeq
• Abaal-ka dhac
• Gardarro

gundhigeeda maansada
waayodheer waanigan galine
ma gimgimin geeraaradaan
geesi ku ahaaye
la illase gaad intaan ka goobsadaye
kolkaanse gilaabta iska rogay
doqoni giigtaaye
aan gorfeeyo caawaba
murtiday laabtu gaaxinaysay
girgirwaynoow libaaxuba
haduu indhaha soogayro
gacan fudayd nin aan lahayn
iyo fulle gariiraaba
intuu guudka kaga yimaadbay
nolol kala gadoomaane
aniguna gadiisii markaan
gabayga faandheeyo
ama aan gaftin jootoo
araartana googooyo
gooduba way itaqaan
wayna iluuqgarane
adna hadaanad gees kamarin
gogol dhigaan sheegay
ama aad koore gooye tahay
waa ay garwaaqsamiye
gamaan fuulkuna waa uu soogali
ninkii madal isgeeyaaye
adna waad garsheegani
waxaad gooso leedahaye
Afarta waxa lama gaasiree
geerka ma u saaray
araar kulul magaadhsiiyay
ragii ii gunuunucaayay
gobo’ kalena
aan guntee
galabta ii hooya
sidii gayiga looxulay
ragaa hadalka guubaabin
gidigood waxaan odhanayaa
erayo gaar gaar ah
ninkii gabayga curiyiyo
ninkii hees ka daba geeyaya
ragyohow waxaad guraysaan
iyo hawraartan goosaysa
goobtaa ma joogine
waxaa isoo gaadhay
gayiguu layaabee
gabayna kuu geeyay
geesigaan gacanta siinee
talo gudoonsiiinay
hawshii miyuu gabay iyo
wixii guudka loosaaray?
galdaloolo miyaa ka timid
iyo waxaan cidi gorfaynaynin?
guhaadse laguma dayo
ruux kaa guwayn adiye
gaadhigaa laga gam ee
gabi kasoo duulay
in uu nafta kaga goyn
wixii saaran guud kiisa
oo galaafani waxbadan
waan iska garanaaye
gudboonaanta noocaasihi
waa gaf kaa yimide
cidna ma ay galabsane
adaa gaystay kalkigaaye
gardariyo is yeel yeel
waa kii gambiyay
dawladaad garane
ma gawsbaad rabtaa
iyo goosi kaligaaya?
ma guunyaa lagaa maroorsaday
iyo hali aad gaadaysay?
ma qabyaaladbaad goobaysaa
iyo wixii waayo laga guuray?
maxaqaad giriifteen gabi ahaantiinba?
mise xilkaa looguntadaa
gooha kaa dhaliyay?
garnaqsigase waa lagu yaqiin
ruux haduu gafo e
gurcudbaad gudaad tidhi
guure kala jeexe
gabi baad ka duuishoo
waadigaan garane
maandhoow maad gunaanadi
hadalkan gaaf raacay?
mise guulaan kula
sugaa wixii adi kusoogaadha
Afarta waxa lama gaasiree
geerka ma u saaray
araar kulul magaadhsiiyay
ragii ii gunuunucaayay
gobo’ kalena aan guntee
galabta ii hooya
gafka dhacaay
gadhi gabi kaduuliyo
gabay gii loojeedshay
ninkii hees kadaba geeyay
ee goobna ilajoogay
gardaradaad ku raacday
hadaan gacanta kuu saaro
hasha godlatay
gorafka loocugiyo
caanaha lagaa gaaxshay
ma dhuunaa lagaa jaray
maxaa adi kusoogadhay?
ma gasiiin aad doonaysaa
gole yar loo ootay
ma geed aad guro lahaydbaa
hoosta laga gooyay
ma xilkaa gudbaa
gaarufkaa dhaliyay
ma gabaw baad ku sheegteen
ninkaan shalay daba guclaynaanay
ma runtaad garabmarteen
maxaa guuldarada keenay?
niman yohow waad gafteene
ee maanta gacan keena
oo geesiga aan garab galnee
gulufka soodhaafa
gooobtaad xustayna
waan garleenahaye
guulna waan helaynaa
hadii raadkeed loogalo e
guulguul kiyo daaya waar
gacan togaalaynta
Afarta waxa lama gaasiree
geerka ma u saaray
araar kulul magaadhsiiyay
ragii ii gunuunucaayay
gobo’ kalena aan guntee
galabta ii hooya
dhanka kale hadaan gadiyo
oon geesigana eego
waxaan baadi goobaniyo
hadafkii soogaadhe
nimanyohow yaan logoofine
gaardi socod keena..

Abwaanka Axmed Cismaan Axmed(Fadan)
TOG-WAJAALE SOOMALILAND
E.amil: wajale22@hotmail.com
halkan ka akhris tixii hore ee

• Gunaad
• Garsheeg
• Guul-Wade
• Galow
• Garwaaqso
• Garsoor
• Gobdeeq
• Abaal-ka dhac
• Gardarro
• Gobaad

• Gunaad
• Garsheeg
• Guul-Wade
• Galow
• Garwaaqso
• Garsoor
• Gobdeeq
• Abaal-ka dhac

Tixdan gobdeeq waxay u jawaabaysaa tixdii c/raxmaan cakuush ee uu wajaale ka soo tiriyay   waxaanay oranaysaa:

Gobdeeq iyo hees tilmaana

Ka soo guray geed magoolay

Runtii guulena xambaarsan

Beentii gaaladana xoortay

Ninkaa gabyayoow dhagayso

Geenyadii dahabee habawday

U gashay goodkiyo abeeska

Shabeelkiyo godadka aarka

Dhurwaagii libin garaystay

Waataan gacaloow ku qayshay

Waataan u goleeyay maalin

Waataan geesiyada u baaqay

Waataan guntigan adkaystay

Waataan gudintiina laacay

Waataan gudayeen cartaabay

Waataan quulah gasiintay

Waataan  geedaha u diirtay

Waataan gumuciyo rasaasta

Waataan u badheedhay gaasta

Waataan guushii haleelay

Waataan gurigeedi keenay

Waataan shalmadiyo guntiimo

Waataan dahabada u gooyay

Waataan dooxada dhex geeyay

Markaan galab mayracaayay

Markaan  heensaha u giijay

Ninkii guudkeeda fiirshay

Markuu cabdiyoow  u goohay

Anoon  guushaa u diidin

Waataan guudkeeda saaray

Waataan xakamaha garsiiyay

Markuu geenyadii dul fuulay

Sowkaa buuraha dulgeeyay

Sowkaa ku gubaaya jeedal

Sowtaa kuftayee gumoowday

Sowtaa  gabi dheer ka duushay

Ninkii gacaloow kaxaystay

waakaa garabkeeda seexday

waakaa gaadhkii u sheegay

ninkii gama’iisa  eega

ninkii gabay soo tiraaba

inuu guulwade u joogo

adoon gacaloow dhex joogin

gudaha cveelkiyo hargaysa

ha gumayn ruuxii hadlaaya

sharcigan gubtayee habaabay

sharcigan shilimaadku gooyo

sharcigan subaxdii gam’aya

sharcigan galabtii shaqeeya

sharcigan fiidkii go’dooma

sharciga   dibjirkiisa gooya

sharcigan hebelada gargaara

sharcigan garan waaga eegta

sharcigan garabsaarku dhaamo

hadaad guul wayn ku sheegtay

inaad gadantaa cadaana

hooyada gurigeeda joogta

ilmaha guudkeeda saran

dulmigan xoolkii ku gaadhay

hadaad gacaloow amaantay

inaad  gudhantaa tilmaana

qudhaanjada geeda fuushay

dulmay gacaloow ka yaacday

adoon    gacaloow dhex joogin

gudaha ceelkiyo hargaysa

miyaad guul wayn tiraabtay

adoon godobaha xeraysan

libinta xassan gaadhay caayin

haantiyo gudaheeda dheego

abwaanka gabyaaya eego

macalin ku gardaadsha doono

xassan gacaloow ayaanka

intuu  gabayda hagaayo

ninkii gama’a wuu  ku toosin

cagtana dhabaduu u gayni

qodxuu  gacaloow ka qaadi

halkan ka akhris tixii hore ee

• Gunaad
• Garsheeg
• Guul-Wade
• Galow
• Garwaaqso
• Garsoor
• Gobdeeq

Gabaygan waxaan tiriyey 18-03-2012, waxaanan kaga qaygalyaa sil siladii gunaad ee uu tiriyey abwaan xasan daahir (weeedhsame),waxaan aniga I soo gaadhay oo ilaa hada aan arkay labada gabay ee gunaad iyo garsheeg, waxaanan anigu tageeray weedhame oo labada gabay runta u dhow aniga aragtiday, halka abwaan dhuux uu isagu ka horyimid gunaad tiriyeyna maansada garsheeg,

halkan ka akhris tixii hore ee

• Gunaad
• Garsheeg
• Guul-Wade
• Galow
• Garwaaqso
• Garsoor